Kryeministri Edi Rama ka replikuar me qytetarët në rrjetin social Facebook pasi ata i kërkojnë llogari për rritjen çmimeve në vend.
Në profilin e tij në faqen zyrtare, një prej qytetarëve i ka thënë Ramës se avazi i tij për të dalë në televizor është i përditshëm, ndërsa shqiptarët sipas tij mërziten se nuk kanë bukë në shtëpi.
“Boll mor burrë, boll! Ti po i bën hallall, por dit për dit ky avaz . Mërziten njerëzit qe nuk kane buke në shtëpi, dhe me beso qe ka shumë. Shiko detajet tani, ju ka ardhur Koha. Kuptomë!”, shkruan qytetari.
E ndërkohë kryeministri nuk ka hezituar që të kthejë përgjigje duke shkruar:
“Leon So për cilin avaz e ke fjalën i dashur Leon dhe sa për bukën, shqiptareve buka nuk u ka munguar as ne kohet me te zymta te historisë se tyre, kështu qe ndjese po komunikimi me njerëzit është detyre e imja dhe nuk quhet avaz po quhet bashkëjetesë demokratike!”, shkruan Rama
Dy ditë më parë kryeministri Edi Rama deklaroi se vendin është në krizë për eneregji elektrike dhe kjo do të bëj që çmimet të rriten në vijim.
