Pas kritikës që u dha edhe nga ambasadorja Yuri Kim, kryeministri Edi Rama sqaroi gjuhën e përdorur sot në Kuvend ndaj deputetes Jorida Tabaku, duke u shprehur se bëhet fjalë për metafora dhe jo akuza pa fakte, sikundër sipas tij kanë bërë përfaqësues të PD-së.
“E ndjej për detyrë që të sqaroj edhe për opinionin publik që e zbardhur literalisht fjala ime, ishte si më poshtë: Pyet atë në krahë se ajo ti jep shifrat, megjithëse ti jep si balonë tabakë. Gjithë sa erdhi pas, mua më kujton një moment te filmi Il Postino, ku nëna i qahet fshatit se postieri kishte turbulluar vajzën me metaforat e Nerudës. Dhe ndërkohë është e pamiagjinueshme, teksa një metaforë kthehet në akuzë, pas saj vazhdon një lumë i tërë balte, sharjesh, deri edhe turrjesh për grushta, duke turpëruar të gjithë Parlamentin. Por duke qenë se kjo nisi nga zonja Tabaku, e cila paskëtaj bëri edhe një replikë ku metaforën time që kishte lidhje me shifrat si “balonë tabakë”, gjë të cilën e kthejllova edhe më tutje, se është lloji më pezentabël i balonës. Duke qenë se zonja Tabaku u ankua, unë kam ardhur me një vendim të gjykatës që ka të bëjë me zonjën Tabaku dhe ia kam sjellë për të thënë se ka një ndryshim shumë të madh mes retorikës, oratorisë, metaforave dhe mes sharjeve, shpifjeje, apo akuzave me sfond penal për individin“ – tha Rama.
Ai gjithashtu është justifikuar duke thënë se nëse nuk kërkon falje kthehemi në kohëra shumë të errëta kur njerëzit diskretitoheshin publikisht për shkak të mënyrës si përdornin gjuhën.
“Janë ndryshime shumë të mëdha. Përndryshe kthehemi në kohëra shumë të errëta kur njerëzit diskretitoheshin publikisht për shkak të mënyrës si përdornin gjuhën. Jam i impresionuar se si një poete si zonja Açka u prek nga një metaforë. Unë nuk do prekësha fare të ishte që ndërkohë që unë flas mund ti dukem si “aeroplan pa bisht”, apo si “gomar që fluturon”. E kam ftuar zonjën Tabaku të çojë në gjykatë një fakt të vetëm për të provuar gjithë këto akuza. Pa hyrë në atë që ka thënë gjykata, që ka kërkuar prova. Po them atë që ka thënë e paditura. Ka thënë se ky është një opinion. Në këtë fashikull nuk ka asnjë fakt. Të njëjtën gjë tha edhe kryetari i Këshillit tuaj Kombëtar, e dini çfarë tha: Unë flas në emër të partisë. Më thotë partia dil dhe thuaj, dhe unë i besoj partisë. Jam krenar për faktin që në kujtesën time jam i vetmi kryeministër që ka kërkuar ndjesë. Nuk e kam për ulje të kërkoja ndjesë nëse do kishte vend për ndjesë” – shtoi kreu i qeverisë.
Kujtojmë se ditën e djeshme gjatë seancës parlamentare, kryeministri ofendoi deputeten Tabaku. Për këtë reagoi edhe ambasadorja Yuri Kim duke dënuar gjuhën e përdorur.
Discussion about this post