“Rama ka marrë fund, do t’i japësh një ilaç?”, Berisha-fermerit: Nuk do të jem doktor unë, por…

Ish-kryeministri Sali Berisha në një takim me fermerët e Belshit në Elbasan ka folur për largimin e kryeministrit Edi Rama nga pushteti.  Gjatë bashkëbisedimit, një fermer i kërkoi ish-kryeministrit të gjejë një “ilaç” për Ramën pasi sipas tij ka marrë fund fare.

Sipas Berishës, nuk do të jetë ai që do t’i japë ilaçin Edi Ramës por vetë qytetarët shqiptarë.

Qytetari: U vra shpresa. Kjo qeveri, jo që e degjeneroi këtë popull, por e shkatërroi totalisht. Po na humb dinjiteti kombëtar. A ka mundësi t’i gjejmë ndonjë ilaç atij, se ka marrë fund fare. Bëja këtë nder popullit shqiptar. Ne me politikën që do ndjeki PD, kam shpresë dhe bindje të plotë.

Berisha: Ju shtroni çështje të cilave qeveria duhet t’u përgjigjet. Kur tregu krijon probleme, ndërhyn qeveria pëër t’i zbutur maksimalisht. Kurse me fjalën e fundit, mendoj se ke bërë përcaktimin më të mirë që mund të bëjë një njeri. Kësaj here doktor nuk do jetë Sali Berisha, por do jeni ju doktorë që do i japin ilaçin atij. Ata do ja japin, edhe unë bashkë me ju.