Pas përgjigjes së Manjës për hetimin e emrave të rëndësishme nga SPAK ndërhyri kryeministri Rama duke theksuar se SPAK-u nuk mund të “gjuajë me dinamit për cironka”.
“Të jemi shumë të qartë se mos krijojmë një devijim nga thelbi. Qendrimi ynë publik nuk është një qëndrim as kundër SPAK as mos vlerësues për gjithçka që SPAK ka bërë deri më tani. Ne nuk kemi pritur me zor drejtuesin e SPAK në parlament që ti hidhemi në fyt, ne kemi shumë respekt për prokurorët e SPAK dhe drejtuesit, sepse e dimë shumë mirë që janë duke operuar në terren të vështirë”, tha Rama duke shtuar se SPAK s’duhet të hetojë procedurat, por korrupsionin.
“SPAK u të mos gjuajë me dinamit për cironka. Kjo ka shumë rendësi. Dhe as të mos bëjë KLSH-në apo inspektimin financiar të MInistrisë së Financave. SPAK nuk është KLSH. SPAK është Prokurori Speciale dhe të merret me të korruptuarit dhe jo të merret me procedura”, tha Rama.
Discussion about this post