Kryeministri Edi Rama ka kërcënuar deputetët në mbledhjen e grupit parlamentar që u zhvillua me dyer të mbyllura, se në rast se nuk do të jenë të pranishëm në seancat plenare, do t’iu ulet 1/3 e pagës.
Sipas Ramës duhet të ketë një aktivizim më të madh të deputetëve, qoftë me praninë e tyre në seancat plenare, qoftë edhe me votimin e ligjeve në Kuvend.
Kryeministri iu ka kërkuar deputetëve që të qëndrojnë përgjatë gjithë seancës në karriget e tyre në Kuvend, në të kundërt do të ndëshkohen, ndonëse vetë mungon rregullisht në seancat plenare.
Kujtojmë se socialistët dorëzuan sot tre emrat si kandidatë për President, ndërsa grupi i PS nuk mori vendimin për përjashtimin e Orlando Rakipit pasi i ati iu shpall non grata duke thënë se përgjegjësia është personale.
Discussion about this post