Kryeministri Rama ka kritikuar ashpër të gjitha format e pretenduara nga ekipi socialist për afrimin e figurave të reja në Partinë Socialiste. Ai tha se: “Një riorganizim tërësor, jo vetëm në aspektin e shpërndarjes së forcave dhe jo duke bërë nga ato farsat për të dalë në TV me mua dhe kur jepen karta anëtarësie për herë të dytë. Apo kur thirren familjarë. Nuk kam asgjë me vajzat e djemtë e të gjithëve. Të gjejnë këtu jo punën në shtet por atë nxitje dhe pasion që gjejnë kur bëjnë aktivitete të tjera sociale. Ku ka aktivitet tjetër sesa gara politike. Sa herë kemi hyrë për ta thjeshtuar vetëm është komplikuar, na duhet një parti më shumë më pak rregulla burokratike. Prindërit duhet të ndjehen mirë që fëmijët po e kalojnë kohën duke u marrë me diçka që ia vlen. Se aty njohin njerëz të tjerë. Ndajnë ide dhe shqetësime. Aty mësojnë se bëjnë gjëra që duke ndjenjur në telefon me Kim Kardashian nuk e bëjnë dot.”
Ndërsa ritheksoi se nuk duhet të dehen nga fitorja e tretë, por të punojnë me intensitet dhe besim, dhe jo të pretendojnë që ne kemi lidhjet e duhura.
“Ne ende sot i kemi lidhjet me njerëzit por nuk janë lidhje që kanë garancinë afatgjatë. Mund të këputen. Nga viti në vit, nga 4-vjeçari në tjetrin. Nëse këputen bëhen të pa ngjitshme. Hidhni sytë rreth e rrotull. Shikoni ku kanë përfunduar partitë e mëdha socialiste. Doni në jug, veri, perëndim. Merrni shembull. Nuk kanë mundur që të jenë një ushqim. Duhet të jeni të gatshëm të luftoni njësoj si skuadrat kur zbresin në fushat sportive. Aty mbjellin frytet e asaj që kultivojnë në stërvitje sfilitëse. Me përpjekje intelektuale, durim miliongone, kjo do të jetë qasja e re”, tha ai.
