Para nisjes së negociatave për emrin e kreut të ri të Republikës, kryeministri Edi Rama ka deklaruar se është kundër zgjedhjes së një Presidenti nga votat e popullit.
Në konferencën për Këshillimin Kombëtar, Rama i është përgjigjur pyetjes duke u justifikuar se në Republikën tonë, presidenti nuk ka pushtet dhe sipas tij do të ishte e pakuptimtë që të zgjidhej nga shqiptarët.
Ndër të tjera, ai nuk nguroi të sulmonte Ilir Metën, për të cilin tha se kemi pasur një fatkeqësi natyrore për disa vjet në atë godinë, mandati i të cilit përfundon më 24 korrik të këtij viti.
“Nuk e kuptova pse i cilësoni shqiptarët si të pavetëdijshëm. Objektivi im ishte 300 mijë, numri që kemi i ka kaluar pritshmëritë tona. Ky është këshillim ka peshë edhe një grup interesi 20 veta. Kjo lidhet me vendimmarrjet tona. Nja 500 mijë shqiptarë, na kanë bërë një nder shumë të madh. Një ndër pyetjet më insistuese që kam ndeshur ka qenë çfarë garancie kemi ne që përgjigjet do të merren parasysh, etj. Kishte skepticizëm. Është radha jonë që ta kuptojmë se është absolute. Jo të gjitha do të bëhen menjëherë, por do të bëhen. Unë jam kundër që në një Republike si e jona që presidenti të zgjidhet nga populli, do të duhet që pastaj t’i jepnim më shumë pushtet. Tani të gjithëve i është ngatërruar pak fotografia e presidentit, se kemi pasur një fatkeqësi natyrore për disa vjet. Kjo shkon përtej vendimmarrjes së qeverisë, ajo kërkon ndryshim Kushtetute. Ne marrim opinionin e publikut dhe ta përfaqësojmë opinionin tuaj. Ne s’e garantojmë dot se do 94 kokrra votash, që me gjithë kapjen e shtetit nuk i kemi”, tha Rama.
Discussion about this post