Kryeministri Edi Rama u shpreh mbrëmjen e sotme në emisionin Opinion se homologu i tij i Kosovës, Albin Kurti, nuk ka pranuar të marrë këshilla nga Tirana.
“Nuk kemi pasur diskutime me qeverinë e Kosovës. Kjo sepse është kompetencë e kryeministrit të Kosovës dhe në një farë mase e presidentit të Kosovës. Janë ata që e vendosin dhe nuk jam unë që duhet t’i marr përdore si do e bëjnë këtë punë.
Për mua është një respekt për institucionet e Kosovës. Është konsultuar Kosova kur ka pasur dëshirë të konsultohej, kur nuk ka pasur dëshirë nuk ka ndodhur. Thjesht nuk ka pranuar të kërkojë këtë me mua apo me të tjerë në qeveri. Por unë e kuptoj sepse ata janë shtet më vete. A ka pasur një diskutim? Jo sepse nuk e kanë kërkuar.
Ata nuk e kanë kërkuar dhe unë nuk kam si t’ju them që hajdeni ta diskutojmë sepse nuk jam babai i madh. në rastin konkret nuk shoh ndonjë gjë për tu shqetësuar sepse është e drejta e tyre të mbajnë qëndrimet e tyre. Unë e kam të qartë se çfarë ka ndodhur dhe kryeminiustri Kurti e ka shpjeguar”, tha Rama.
Duke shpjeguar qëndrimin e Qeverisë shqiptare lidhur me këtë ccështje, Rama tha se është situatë e rrezikshme dhe e panevojshme.
“Nuk më takon mua të nxjerr përgjegjësit. Jam kthyer nga Moldavia ku kishte shumë takime. Qëndrimi unik i liderëve të BE-së është unik me atë të SHBA-së që situata është e papranueshme dhe pajustifikueshme. Këtu ka 2 gjëra që duhen bërë. Serbët të kthehen në institucione dhe Kosova të shpallë zgjedhje të parakohshme në këto komuna.
Unë nuk jam këtu për të dhënë leksione për Albinin. Ai është Kryeministri i zgjedhur i Kosovës. Ka kompetencat dhe përgjegjësinë e plotë për vendimet që merr. Krahasimi për Shqipërinë është paksa i çalë. Bërja e zgjedhjeve ishte gjëja e duhur, por shkuarja më tej ishte paksa e tepërt.
Me Vuçiç folëm për domosdoshmërinë që serbët të kthehen në institucione. Braktisja ka qenë një gjë e pamenduar dhe ajo ka krijuar një vakuum dhe ajo ka sjellë pasoja. Jemi në kushtet që të dyja palët duhet të bëjnë nga një hap.
Dhe kjo duhet që sjellë që të dyja palët i bëjnë karshillëk njëra tjetrës me polici e ushtri. Di vetëm një gjë që kjo situatë po e dëmton Kosovën në arenën ndërkombëtare. Kosova ka të drejtë që bëri zgjedhje, por tani duhet një zgjidhje dhe jo të shtyhet më tej në konflikt”, tha Rama.
Discussion about this post