Kryeministri Edi Rama ndodhet në Shkup, ku po merr pjesë në takimin e liderëve të pesë vendeve anëtare të NATO-s nga Europa Juglindore.
Para nisjes së takimit, kryeministri Rama uroi në shqip shqiptarët e Maqedonisë së Veriut ditën e bekuar të alfabetit.
Ai u shpreh se ky takim është i rëndësishëm pasi vjen në një kohë kur luftërat dhe krizat mund të rrezikojnë edhe rajonin tonë.
“Së pari, dëshiroj që në gjuhën shqipe t’u uroj shqiptarëve, këtu në Maqedoninë e Veriut ditën e bekuar të alfabetit. Nga ana tjetër, më vjen shumë mirë që ne mblidhemi këtu, në një moment jo të lehtë për të gjithë, në një moment krizash të rënda që kanë potencialin të rrezikojnë drejtpërdrejt edhe rajonin tonë. Në një moment kur këtu në rajon të gjithë duhet të fokusohemi te mbrojtja dhe ruajtja e asaj që kemi arritur, që është jo pak, një paqe dhe të kemi të gjitha forcat për ta bërë këtë paqe përfundimtare dhe të qëndrueshme”, theksoi Rama ndër të tjera në fjalën e tij.
Discussion about this post