Rama mbledh kryesinë e PS, çfarë u vendos

Kryeministri Edi Rama mblodhi këtë të hënë kryesinë e Partisë Socialiste në seli, për të diskutuar për zgjedhjet e ardhshme të 11 majit 2025. Gjatë takimit, u vendos emërimi i Blendi Klosit si drejtues i ri politik në qarkun e Dibrës.

Ky emërim vjen pas lëvizjes së Blendi Gonxhe në zonën e Kombinatit në Tiranë, ku do të bashkohet me drejtuesit e tjerë politikë.

Ndërkohë ministri i Mbrojtjes Pirro Vengu ka marrë detyrën e numrit dy për drejtimin politik të PS në Vlorë, si mbështetës i Bledi Çuçit.

Gjatë mbledhjes, sipas burimeve pranë PS-së, Rama theksoi nevojën për mobilizim të plotë dhe bashkëpunim të ngushtë mes strukturave për të siguruar një rezultat të suksesshëm në zgjedhjet e vitit që vjen. Ai kërkoi nga drejtuesit politikë “mobilizim, angazhim dhe përkushtim”.

Zgjedhjet e ardhshme parlamentare do të mbahen më 11 maj 2025.