Kryeministri Edi Rama do të zhvillojë ditën e sotme një takim me kryetarët e Bashkive. Bëhet me dije se mbledhja do të zhvillohet rreth orës 12:00, në kryeministri. Nuk dihet ende se çfarë do të diskutohet në këtë takim.
Kujtojmë se mbledhja e fundit e Ramës me kryebashkiakët u zhvillua në korrik, në kohën kur përjashtoi nga PS Fatos Tushen, ish- kryebashkiakun e Lushnjes.
Rama paralajmëroi qartë kryebashkiakët se PS nuk do të mbrojë asnjë prej tyre, në rast se do të shkelin ligjin, apo nëse do të përfshihen në ngjarje korruptive.
Me gjasë ky takim do të jetë llogaridhënës nga kryetarët e Bashkive, nëse i kanë përmbushur apo jo objektivat që u janë lënë nga qeveria.
Rama e vuri fokusin te shërbimi ndaj qytetarëve, dhe te pastërtia nëpër qyetet. Sipas Ramës të gjitha ato Bashki që nuk i përmbushin këto objektiva, nuk do të marrin më fonde nga qeverisja qëndrore.
Nuk dihet akoma në qoftë se në këtë takim do të jetë e pranishme edhe kryebashkiakja e Shkodrës, Voltana Ademi, pasi Shkodra është e vetmja bashki e djathtë në vend.
