Kryetari i Partisë Demokratike, Sali Berisha ka njoftuar një protestë masive për të kundërshtuar vendimin e qeverisë për mbylljen e Tik – Tok, për një afat 12 mujor.
Gjatë një konference për mediat, Berisha tha se me këtë vendim, Edi Rama rreshton Shqipërinë me Afganistanin dhe Iranin dhe se është një akt i mirëfilltë fanatizmi, intolerance, frike dhe tmerri nga mendimi i lirë dhe shprehja e tij.
Berisha njoftoi mbajtjen e një proteste kombëtare më 15 Mars, në sheshin “Skënderbej” dhe para kryeministrisë, ku do të kërkohet anulimi i menjëhershëm i vendimit për censurën dhe bllokimin e TikTok-ut.
“Sot në kulmin e fushatës elektorale, narkopadrinoja i Shqipërisë, Toto Rino apo El Çapo, njoftoi vendimin e narkoqeverisë së tij për ndalimin e TikTok-ut për 12 muaj.
Vendimi i narkoqeverisë për ndalimin e TikTok për 12 muaj. Me këtë akt censure të mbi 1 milionë përdoruesve të TikTok në Shqipëri, Edi Rama rreshton Shqipërinë me Afganistanin dhe Iranin.
Ky akt censure është një akt i mirëfilltë fanatizmi i tolerancës, frike dhe tmerri nga mendimi i lirë dhe shprehja e tij.
TikTok është një platformë komunikimi që ka pushtuar sot, ka qëlimin masivisht të të rinjve në Shqipëri dhe botë. Të pretendosh se po ecën drejt Europës dhe të rreshtosh Shqipërinë me Iranin, Afganistanin, Somalinë, bën një akt monstruoz kundër fjalës së lirë.
Një censurë dhe dëshmon se udhëtimi Europian i Shqipërisë është një hipokrizi për ty. Rikujtoj këtu se JdVance, në fjalën në Mynih, konsideroi mbylljen e mediave sociale, si një antivlerë shumë të rrezikshme për shoqëritë e lira, fjalën dhe mendimin e lirë.
T’u heqësh shqiptarëve të drejtën e përdorimit të TikTok, dëshmon se çfarë arbitrariteti, ripërsërit ekzakt atë që bënte Enver Hoxha, Kristaq Rama gjatë diktaturës, të cilët radiove të vendeve perëndimore u vinin zhurmues.
Me këtë rast, ftoj të gjithë gjimnazistët, të gjithë të rinjtë, të gjithë qytetarët, të nisim betejën tonë për çlirim e tiktok dhe përmbysjen e diktatorit më datën 15 mars protestë në ‘Sheshin Skënderbej’ para Kryeministrisë”, tha ai.
Discussion about this post