Kryeministri Edi Rama ka shprehur ngushëllimet për ndarjen nga jeta të artistit Sherif Merdani.
”Lamtumirë Sherif Merdani” ka shkruar shkurt kryeministri në një postim në Facebook.
Artisti i njohur u nda nga jeta pasditen e kësaj të diele në moshën 81 vjeçare. Ai vuante prej vitesh nga një sëmundje e rëndë.
Merdani njihet si një ndër këngëtarët më të mëdhenj të muzikës së lehtë shqiptare. Pas Festivalit të 11-të ai, ai edhe disa kolegë të tij, u përndoq nga regjimi i Enver Hoxhës dhe përfundoi në burg, ku u dënua me 16 vite. Pas viteve ’90 Merdani ka punuar edhe si diplomat në ambasadën shqiptare në Romë.
