“Monumenti i pandëshkueshmërisë dhe miti i të pushtetshmit mbi ligjin është rrëzuar”, tha Kryeministri Edi Rama në konferencën e përbashkët për mediat me Sekretarin amerikan të Shtetit, Antony Blinken. Rama tha se reforma në drejtësi është mbështetur nga të majtë e të djathtë.
Madje Rama tha se në Shqipëri nëse duhet të gjesh consensus edhe për orën, pasi kemi një orë të majtë, një të djathtë dhe një të qendrës, lidhur me reformën në drejtësi dhe rrëzimin e mitit të pandëshkueshmërisë, shqiptarët janë shprehur pro.
Kryeministri nuk ka nguruar të shkëmbejë batuta me Sekretarin amerikan të Shtetit, Antony Blinken.
“Zgjodhët ushqimin dhe jo aq të shijshëm gjerman”, u shpreh kreu i qeverisë, duke theksuar se “por ne tonën e bëmë, darkën e kishim gati”.
Rama theksoi se integrimi i vendit në BE, varet nga Shqipëria dhe aleatët e saj europianë.
“Jemi shumë të nderuar nga vizita e tij. Mund ta them pa asnjë zbukurim diplomatik se jam shumë i kënaqur nga bashkëbisedimi i hapur dhe nga niveli ndërveprimit mes nesh.
I shpreha sekretarit të Shtetit përveç ndihmës që patëm nga SHBA në OKB dhe suksesin e misionit tonë në 2 vitet që qëndruam si anëtarë jo të përhershëm.
Nga ana tjetër dua që publikisht ta falenderoj edhe për mbështetjen që shihet pak, por që është e vazhdueshme, e rëndësishme dhe dobishme për ecurinë e vendit në procesin e anëtarësimit në BE.
Varet nga çfarë bëjmë ne, nga aleatët tanë në BE, por prej disa vitesh kemi ndjerë interesim e vazhdueshëm të administratës amerikane dhe DASH, faktit që në vazhdimësi sekretari në takimet me aleatët evropianë nuk lë pa nënvizuar nevojën për të shtyrë më tutje këtë proces të integrimit të Shqipërisë dhe Ballkanit Perëndimor”, tha Rama.
Kryeministri Edi Rama iu bëri thirrje autoriteteve të Prishtinës të mos bëjnë asnjë hap pa u koordinuar me aleatët tanë.
“Nga ana tjetër, patjetër që kemi folur për rajonin, ku kemi ndarë të njëjtat shqetësime. Shqipëria ka një politikë të dorës së shtrirë për të gjitha vendet e rajonit, ne jemi investuar që rajoni të shkojë përpara.
Ne do të vazhdojmë ta nxisim dialogun mes Kosovës dhe Serbisë. SHBA kanë qenë janë dhe do të mbeten mbështetëse të palëkundura të njohjes së Kosovës. Është mirë që shqiptarët të mos e harrojnë se pa SHBA nuk do të kishte një shtet të pavarur të Kosovës dhe se interesi i SHBA në rajon për mbarëvajtjen e punëve në Shqipëri e Kosovë, nuk është i dorës së dytë, as një interes i ndarë në çfarëdo aspekti, nga interesi ynë, për të ndërtuar një të ardhme në paqe për gjeneratat e tjera.
Ne ndjehemi të keqardhur sa herë shohim hapa mbrapa. Ne jemi të vetëdijshëm për vështirësinë e rajonit, për dhimbjen e plagëve të një tragjedie jo shumë të largët të plagëve për ata që jetojnë në Kosovë. Po ashtu edhe për sulmin në Basnjë, Serbia nuk është se e ndihmon si duhet procesin. Por ne duhet të jemi të vetëdijshëm që është në interesin tonë që të vazhdojmë me realizmin e kërkesave, që nuk janë as kërkesa që Kosova të lëshojë as një milimetër, por që bëjnë të mundur krijimin e një konteksti që e ngre lartë Kosovën, si një republikë që meriton respekt nga aleatët, pa të cilët e ardhmja bëhet shumë me largët dhe e tashmja shumë më e ndërlikuar.
E përsëris apelin për autoritetet e Prishtinës që të mos bëjnë asnjë hap të pakoordinuar me të gjithë aleatët tanë strategjikë. Nga veprimet e pakoordinuara, mund të fitohen disa vota sot për sot, por nuk fitohet e ardhmja”, tha Rama.
Më tej, ai falënderoi sekretarin amerikan edhe për mbështetjen e dhënë gjatë misionit të Shqipërisë në Këshillin e Sigurimit.
“Më vjen shumë mirë që kjo vizitë kojçidon edhe me përfundimin e misionit të Shqipërisë në Këshillin e Sigurimit. i shpreha falënderimin sekretarit për mbështetjen, por edhe mirënjohjen për mesazhin prekës që përcolli publikisht ambasadorja e SHBA në Kombet e Bashkuara, për fjalët jashtëzakonisht pozitive që ajo ndau me publikun për mënyrën sesi Shqipëria arrita ta përfaqësojë veten, por edhe për mënyrën sesi arriti të përfaqësojë këtë komunitet shtetet që qëndrojnë së bashku për disa vlera e parime të panegociueshme.
Dua ta falënderoj sekretarin edhe për një mbështetje që shihet pak, por që është e vazhdueshme për ecurinë e Shqipërinë në procesin e anëtarësimit në BE. Ky është një proces që varet nga çka bëjmë ne, por prej disa vitesh, ne e kemi ndjerë dhe e çmojmë shumë interesimin e DASH dhe faktin që në vazhdimësi sekretari në takimet me aleatët Europian nuk e lë pa e nënvizuar nevojën për ta shtyrë më tutje këtë proces”, tha Rama.
Discussion about this post