Deputeti i Partisë Demokratike, Edi Paloka, në një postim në facebook, ka komentuar udhëtimin e kryeministrit Rama për në Kiev. Paloka shkruan se shumë shtete të fuqishme nuk kanë avionë qeveritarë, po edhe në rastet kur përdorin avionë charter për delegacione të caktuara, ata janë avionë të vegjël 10-12 vendesh, shpenzimet e të cilëve janë shumë më të ulëta krahasuar me avionin 200-vendësh që përdor Rama për udhëtimet e tij. Deputeti shkruan se një udhëtim me distancë sa Kievi, praktikisht kushton mbi 100 mijë dollarë pa llogaritur parkimin e avionit i cili është po ashtu shumë i shtrenjtë.
“Personalitetet më të larta të BE udhëtojnë me avionë linje. Shumë shtete të fuqishme nuk kanë avionë qeveritarë, po edhe në rastet kur përdorin avionë charter për delegacione të caktuara, ata janë avionë të vegjël 10-12 vendesh, shpenzimet e të cilëve janë shumë më të ulëta krahasuar me avionin 200-vendësh që përdor Rama për udhëtimet e tij. Praktikisht një nga avionët e ardhur nga Turqia si Air Albania (në fakt Turkish Airlines) që Rama e ka quajtur “Ismail Qemali”, është venë tërësisht në dispozicion të Rames dhe familjes apo haremit të tij qeveritar, sipas rastit. Avioni është transformuar krejtësisht nga brenda dhe praktikisht është kthyer në një charter gjigand luksi. Rama ndërkohë ka treguar se i pëlqen të udhëtojë aq sa ka pasur periudha kur në dy muaj ka qenë vetëm një javë në Shqiperi ku merr edhe rrogë si kryeministër. 10 ditët e fundit ka udhëtuar të paktën tre herë. Një udhëtim me distancë sa Kievi, praktikisht kushton mbi 100 mijë dollare pa llogaritur parkimin e avionit (për ditë qëndrimi) i cili është po ashtu shumë i shtrenjtë. Të gjitha këto (e jo vetëm keto) i paguan populli më i varfër në Evropë për sulltanin e tij! Rroftë konferenca antikorrupsion dhe përkushtimi “i stërmadh” i qeverisë kundër korrupsionit” – shkruan Paloka.
Discussion about this post