Edhe pse nga ekrani duket sikur Veliaj “prishet” nga dashuria e tij për kryeministrin, madje prishet haptazi dhe me bindje kyçi politik, Rama sërish reflekton frikë. Fatmiri dhe Lal Plehu e trembin, madje i prishin ditën, humorin dhe shumëçka. Frika është deri në atë pikë sa ata mund ti hanë edhe kokën shumë shpejt, pasi dinë shumë, ose mjaftueshëm sa për të çuar në vendin e përgatitjes dhe prenotimit të byzylykëve, njerëzit e besuar të të gjatit. Të cilët më pas kthehen shpejt ne pentito, e më pas nisin të rrëfejnë udhëtimin e pushtetit mes aferave, dhe gjithçkaje tjetër është prodhuar në këtë vend pa koordinata, por me mandate të tretë, dhe me opozitë në gjumë. Nga ekrani, si njeri dhe tjetri, si kryeministri, edhe kryebashkiaku të japin përshtypjen që janë në limitet e larta të hormoneve, me një simpati dhe vlerësim maksimal, por brenda tyre kanë thjesht dhe vetëm helm dhe shumëçka tjetër. Tashmë një herë në dy muaj, Plehu i Ndragetës udhëton drejt SHBA për takime me miq e gjenerata shumëngjyrëshe ylberi, por realisht nuk është se shkon vetëm për ngjyrat. Burimet e “Gijotina” bëjnë me dije që, bekimin, suportin dhe mirëplanifikimin e Fatmirit të Reformës, apo Xhafajt të Geronit, Veliaj së fundmi në SHBA ishte krejt dhe vetëm për dosjen e Ben Ahmetajt. Me një kurim special dhe një qëndisje teknike, dhe juridike nga ana e ish-ministrit, Lali e dotëzon aty ku radarët transmetues (jo ato të Mimit) mund të ndizen menjëherë në drejtim të kullave qëndrore të drejtësisë së re në Tiranë, SPAK e BKH. Më shumë se Ramën, tashmë targeti i dyshes Veliaj-Xhafaj kërkon të zhbëjë dhe fundosë të gjithë bazamentin e sektit Rama dhe atyre që e gostistin. Dhe këtë radhën e ka ministri qejfli, dashnorja kryesore e të cilit mbetet monedha euro. Ben Ahmetaj ka rënë në helmin vlues të Veliajt e Xhafës dhe shumë shpejt, njeriu që ndërton dhe bazon çdo gjë te…prishja, mund të provojë I pari kominoshet, apo fortësinë e bashkimit të kyçeve. Muajt pasardhës do të jenë tepër tepër atraktivë në selinë e PS. Eshtë vjedhur aq shumë sa që presupozohet që ka për të gjithë SPAK-un. E megjithatë, polikisht dërrmimi i Ben Ahmetajt është një goditje e drejtpërdrejtë për Edi Ramën, pushteti i të cilit mbetet absolut në tangon politike shqiptare, por ka turbulence të fortë në dansin e pisët socialist, aty ku kuçedra Xhafa lëshon nëpërkën Veliaj ti ngjitet deri në palcë. Dhe kjo ka nisur. Xhafaj-Veliaj janë një PS më vete, dhe Rama rri e vështron, deri në veprimin e tij për të goditur këtë sekt brenda sektit.
