Një ditë më parë Gazment Bardhi kushtëzoi votën pro të deputetëve të PD-së për kërkesën e SPAK lidhur me arrestimin e Sali Berishës me plotësimin nga mazhoranca e Edi Ramës të kërkesës së opozitës për ngritjen e Komisioneve Hetimore.
Por sot, Belinda Balluku, në cilësinë e zv.Kryeministres ka mbyllur derën e kompromisit me opozitën lidhur me komisionet hetimore.
Balluku tha se nuk mund të ketë kompromise apo negociata mbi kërkesa që bien ndesh me vendimet e Kushtetueses, edhe pse vendimet e kësaj të fundit, si në rastin e Olta Xhacckës, janë kyccur në sirtaret e Lindita Nikollës.
“Nuk është një negociatë sepse të gjitha kërkesat nga ana e Bardhit apo përfaqësuesit e tjerë që s’dimë si t’i quajmë, këto kërkesa bien ndesh me qëndrimet e Gjykatës Kushtetuese, grupi i PS ka dorëzuar një draft dhe ky draft është punuar më shumë kujdes dhe është bazuar në praktikat më të mira Europiane”, tha Balluku.
Në këtë mënyrë duket se mazhoranca e Edi Ramës do të vijojë të mbajë të bllokuar ngritjen e Komisioneve Hetimore, duke ccuar përpara miratimin e ndryshimeve në Rregulloren e Kuvendit, por edhe rregullave përsa i takon kërkesave për komisione hetimore.
Komisioni i fundit hetimor që u ngrit nga Kuvendi, pas presionit ndërkombëtar, ishte ai për inceneratorët, një ccështje që ka nxjerrë zbuluar një nga aferat më të mëdha të shtetit shqiptar, edhe pse Kryeministri Edi Rama vijon të mbrojë projektet dhe natyrisht edhe personazhet me pushtet politik që janë të përfshirë në të.
Discussion about this post