Kryeministri Edi Rama, gjatë rubrikës Sy m’Sy, komentoi deklarata e Sali Berishës për shpërbërjen e SPAK, duke u shprehur se “do shkrijë Noc Rrokun”.
Një fjalor vulgar Rama ka përdorur edhe ndaj komentuesve, të cilët shprehin pakënaqësitë e tyre ndaj qeverisjes.
“Një buf kënete që ulërin do të shkrij SPAK, do të shkrij SPAK, do shkrijë Noc Rrokun.
Ky është dallim i madh, ne duam drejtësi të pavarur, pa parë majtas e djathtas, por patjetër një drejtësi europiane ku të gjitha palët janë ta garantuara.
Jua kanë bërë gojën, ju ka futur bufi llumin e kënetës në stomak, në ezofag, në plënc e zorrë, jua kanë bërë fjalën vjedhje sikur këtu nuk bëhet asnjë punë tjetër në këtë vend, vetëm vidhet e vidhet, nuk është kështu.
SPAK nuk është imi, por i Kushtetutës dhe reformës në drejtësi. Tani dhe SHBA është tërhequr nga kjo punë dhe nëse SPAK do ta kishte sjellë Amerika do ta kishte marrë me vete. SPAK është këtu dhe ka një garanci. Nëse SPAK do e kishte sjellë Amerika, tani që Amerika është tërheq nga kjo punë, do ta kishte marrë me vete në Amerikë. SPAK është këtu dhe ka vetëm 1 garanci. E vetmja garanci për mbijetesën dhe shkuarjen përpara të SPAK në kuadër të kësaj lufte nga këneta me në krye bufin plak është Partia Socialiste dhe unë në krye të saj. Reformën në drejtësi e kam bërë unë dhe PS”, u shpreh ai.
Discussion about this post