Kryeministri Edi Rama po zhvillon një takim me disa pronarë të biznesit të vogël ku ka bërë prezantimin e “Paketës së Rezistencës Sociale”. “Rastësisht” në këtë moment, Rama është njohur me vendimin e marrë nga Bordi për uljen e çmimit të naftës në 211 lekë për litër, duke thënë se kur e pa që kishte rënë në bursë ishte lehtësuar pak.
“Pashë që bordi kishte vendosur 211 lekë çmimin sepse ka rënë në bursë edhe içik shyqyr Zotit, po ta shikoni se çfarë bëhet në vende të tjera, është 2.3, 2.4 euro, kështu që për ata që i qëndronin këngës se këtu është nafta më e shtrenjtë etj, etj. Tani po flitet që na e marrin të huajt, s’ka asnjë bazë me realitetin. Kemi një naftë të rëndë”, tha Rama.
Ndër të tjera, Rama ka bërë të ditur se i ka dërguar një kërkesë OSHEE-së ku kërkon që për çdo faturë energjie, të vijë edhe pjesa që paguhet nga buxheti i shtetit për të na treguar se qeveria po bën të “pamundurën” të na vijë në ndihmë, ndonëse harron se kjo është pikërisht detyra e tij.
Discussion about this post