‘Rama po punon për interesin serb në Kosovë’

I ftuar në emisionin Task Force në SYRI TV ishte gazetari dhe analisti, Erl Murati.

Murati është shprehur se kjo që Rama po bën me situatën në veriun e Kosovë është një avokati e ndaj interesave serbe dhe kundër interesit tonë kombëtar.

“Për sa i përket Ramës me qeverinë e Kosovës dhe sjelljen e  tij në arenën ndërkombëtare unë kam qenë i rezervuar në qasjen kritike ndaj kësaj qeverie, por në rastin konkret është një skandal që kryeministri i vendit bën një propozim për të ardhmen e Kosovës pa u konsultuar më institucionet e vetë Kosovës.

Shqipëri nuk duhet të sillet si një shtet përfaqësues në OKB dhe po sillet si një e tretë dhe jo si një avokate e cila duhet ta mbaroj fort Kosovën sepse jemi një popull një komb i përbashkët. Tani po ndodh e kundërta, Ram dhe qeveria po sillet si një palë kundër Kosovës dhe nëse do të kishim një propozim për të zgjidhur problemet dypalëshe atëherë do ta diskutonim, por Rama ka dhënë zgjidhje vetëm për asociacionin e cila është një interes direkt i popullit serb në Kosovë.

Nëse do të kishim dhe një pakët për zgjidhjen e marrëdhënieve mes dy shteteve ky do të ishte asociacioni dhe njohja e Kosovës nga Serbia, pra a ja vlen që ne të ndërtojmë një republikë serbska të dytë dhe a ja vlen të krijojmë një asociacion dhe një lloj autonomie në këmbim të njohjes e do ta mirëkuptoja. Por që të dalë kryeministri i Shqipërisë pa u konsultuar me institucionet e Kosovës dhe të bëjë një propozim pa ja kërkuar askush për çështjen e asociacionit të komunave serbe në Kosovë unë e cilësoj se ai po bëhet avokati i serbëve dhe po ta shohësh në syrin e interesit kombëtar është shumë e rëndë.”