Teksa vendi është përfshirë prej më shumë se një muaji nga një valë protestash masive që kërkojnë largimin e kryeministrit Edi Rama në mënyrë të pangeociueshme, kreu i qeverisë ka zgjedhur të sulmojë dhe akuzojë protestuesit, madje duke i cilësuar edhe si të nxitur nga shtete e agjentura të huaja.
Vite më parë, kur Rama ishte në opozitë, shprehej vetë se populli e ka kontratën me ata që qeverisin.
“Ata që qeverisin duhet të japin përgjigje një më një për çdo pikë të shkelur të kontratës. Kjo qeveri e ka grisur kontratën me popullin dhe për këtë arsye populli duhet ta flakë”, shprehej Rama.
Ndërkohë ndryshe nga sa shprehej më herët, sot Rama në vend të japë llogari para popullit, i sulmon dhe ofendon, madje disa prej tyre edhe i ka kërcënuar, duke e mbajtur karrigen e pushtetit me forcë.
Discussion about this post