Me anë të një postimi në facebook, kreu i AAK-së, Ramush Haradinaj ka “thumbuar” kryeministrin Edi Rama, pasi ky i fundit ndodhet në Beograd, ku ka marrë pjesë në panairin e verërave. Ish-kryeministri i kosovës shkruan se Kosova ka qenë dhe është shumë hapa para Serbisë në prodhimin e verërave. Sipas tij mbajtja e Panairit të Verërave në Beograd dhe promovimi i tij në rajon, godet direkt biznesin e verërave në Kosovë.
Haradinaj, gjithashtu ka “thumbuar” edhe Kurtin për shkak të reduktimeve të shpeshta të energjisë elektrike. Ai tha se panairi në Kosovë dënohet me mungesë energjie, duke pamundësuar funksionimin normal.
“Kosova ka qenë dhe është shumë hapa para Serbisë në prodhim të verërave. Mbajtja e Panairit të Verërave në Beograd dhe promovimi i tij në rajon, godet direkt biznesin e verërisë në Kosovë. Përderisa i bëhet kaq promovim panairit në Beograd, panairi në Kosovë dënohet me mungesë rryme, duke pamundësuar funksionimin normal. Rahoveci është kryeqyteti i verërave në rajon, e që nesër si dhe çdo vit është nikoqir i “Hardh Fest”. Përkrahja e vreshtarëve tonë promovon punën e tyre dhe Kosovën në gjithë botën” – shkruan Haradinaj.
Discussion about this post