Rama propagandë me fermerët: Kemi inflacionin më të ulët në rajon

Kryeministri Edi Rama është duke zhvilluar takime me fermerë në zonën e Beratit.

I ndalur në Poliçan në një bashkëbisedim me fermerët Rama tha se sot jemi përballë dy armëve të shkaktuara nga lufta në Ukrainë.

Sipas kreut të qeverisë një nga armët, e cila është dhe kriza energjetike është neutralizuar ndërsa po punohet shumë për zbutjen e inflacionit.

Kreu i ekzekutivit nuk la pa ‘shënjestruar’ dhe Partinë Demokratike për të cilën tha se është një degë e shtembër e vendit.

Sipas Ramës, sot gjendemi përballë fakteve tronditëse, të cilat sipas tij vërtetojnë marrjen e parave ruse nga selia blu duke shtuar se janë dhe do të mbeten një pakicë.

Edi Rama: Dy armë të cilave nuk ke se nga ju ikën e që ju u shkojnë në shtëpi të gjithëve në Perëndim të Ukrainës.

Arma e parë është goditja e çmimit të energjisë dhe e dyta është inflacioni, dora e padukshme që të kap sa herë që t’i fut dorën në xhep për të paguar, inflacioni i luftës.

Kemi neutralizuar armën e parë, faturat e energjisë që vijnë në dyert tuaja s’kanë ndryshuar. Çfarë paguan qeveria përmes buxhetit është 70-80% e faturës.

Çdo dyqan në rast se do të kishte një faturë energjie më të lartë do e kthente barrën tejk ata që blejnë, prandaj ne kemi një inflacion lufte më të ultin në rajon.

Ne po bëjmë një sforco të jashtëzakonshme për të bërë më të mirën. Jam i bindur që nëse do të arrijmë ta mbajmë këtë mburojë të palëvizur në vijim do të jetë një mirësi e madhe ekonomike në vijim.

Mungesa e njerëzllëkut dhe nxitja e keqkuptimit dhe mosmarrëveshjes dhe konfliktit dhe pasqyrimi gjithnjë e më i deformuar nëpër media i realitetit janë sot aq evidente që ta bëjnë të mendohet çdo shqiptar se çdo të thotë sot të jesh shqiptar pa mbyllur sytë përpara asnjë problemi dhe shqetësimi që vendi yt mund të ketë dhe duke u sjellë kundër interesave të tij.

Këtë e bëjnë dhe janë në mision. Janë një degë e shtrembur që është në mision që në 1912-ten. Është një mallkim me të cilin duhet të merren shqiptarët vetë.

Fatmirësisht janë pakicë dhe do të jenë pakicë se nuk kanë si të bëhen shumicë, të gjendesh përballë fakteve aq tronditëse sa shpërblimi financiar nga të huajt jo dashamirës ndaj vendit dhe të besosh dhe të ndjekësh ata që vazhdojnë deri këtë vënë në pikëpyetje se çfarë do të thotë për këta njerëz jam shqiptar.