Kryeministri Edi Rama ka publikuar në rrjetet sociale një foto të fëmijës së parë afgan të lindur në Shqipëri, me emrin Albi.
Kreu i qeverisë thotë se ardhja e tij në jetë është një mesazh domethënës i vazhdimësisë së jetës edhe në kohë të vështira.
“Fëmija i parë afgan, i lindur në Shqipëri quhet Albi.
Ardhja e tij në jetë pasi prindërit ndoqën lirinë nga toka e tyre drejt Shqipërisë, dëshmi emocionuese e vazhdimësisë së jetës edhe në kohë të vështira”- shkruan kryeministri Edi Rama.
Në Shqipëri kanë ardhur rreth 450 afganë, të cilët janë akomoduar në hoteleritë e Shëngjinit në Lezhë dhe Durrës.
