Rama publikon vendimin tallës të Bordit/ Ja sa do të ulet çmimi i naftës

Vetëm pak minuta më parë ka përfunduar mbledhja e Bordit të Transparencës për Karburante. Me mburrje kryeministri Edi Rama ka publikuar vendimet e marra sot në lidhje me uljen e çmimeve. Në fakt kushdo e kupton nga këto vendime se gjithçka është tallje, pasi është vendosur që nga sot nafta do të shitet tek konsumatorët me 217 lekë/ litër. Në fakt vetëm 20 lekë ulje, pasi deri në mbrëmjen e kaluar shifrat e tregtimit të naftës shënonin 223 lekë për litër.   Ndërkohë vihet re, se për benzinën e gazin nuk ka asnjë ulje, pasi deri më sot është tregtuar me të njëjtat  shifrat që ka publikuar Rama

“Në zbatim të këtij Akti Normativ u mblodh menjëherë Bordi i Transparencës dhe kufizimit të përkohshëm të çmimeve të tregtimit me shumicë/pakicë të nënprodukteve të naftës dhe gazit. Në mbledhjen e tij të parë, dhe bazuar në metodologjinë e ndërtimit të çmimeve sipas nenit  21/5 të Aktit Normativ vendosi:

1. Çmimi i shitjes me pakicë të nënproduktit gasoil i standardit SSH EN 590 për periudhën 12 mars-15 mars 2022, të jetë 217 lekë/litri.
2. Çmimi i shitjes me pakicë të nënproduktit benzinë e standardit SSH EN 228 për periudhën 12 mars-15 mars 2022, të jetë 217 lekë/litri.
3. Çmimi i shitjes me pakice të nënproduktit gaz për periudhën 12 mars-15 mars 2022, të jetë 93 lekë/litri”, shkruan kryeministri. Ndërsa njoftoi se, Bordi i Transparencës do mblidhet përsëri ditën e martë