Kryeministri Edi Rama ka reaguar për herë të parë pasi premtoi që satelitët “Albania 1” dhe “Albania 2”, do të hidheshin në hapësirë në fund të marsit, ku pas një muaji ky premtim mund të quhet i dështuar.
Rama është shprehur me ironi se sa me padurim e paskan pritur qytetarët hedhjen e satelitëve në hapësirë, ndërsa shton premtimin do ta mbajë, por pa thënë se kur.
“Padurim të madh paskan pasur disa për satelitët e sipas modës së re thonë ç’të duan pa pyetur fare more si është puna! Po një gjë çuditem si nuk duan ta kuptojnë: Unë them atë që bën e bëj atë që them dhe kur vonesat s’janë në dorën time thjesht bëj durim, po zotimit s’i ndahem jo”, shkruan Rama në Twitter.
Discussion about this post