Replikimi me ndjekësit online duket se është një ndër aktivitet më të preferuara të kryeministrit Edi Rama. Ketë herë, Rama teksa “komunikon” me ndjekësit, legjitimon rritjen e çmimeve, duke thënë se kjo është një tendencë globale, të cilës nuk mund ti shpëtojë as vendi ynë.
Rama shprehet se shqiptarëve nuk u ka munguar buka as në kohët më të zymta, edhe pse dihen nivelet e varfërisë në vendin tonë. Në lidhje me punësimet në shkolla, Rama thekson se askush nuk futet në arsim pa kaluar përmes portalit duke shtuar se bashkitë nuk kanë lidhje me punësimet në arsim.
Replikat
Komentuesi 1: Përmirësoni punësimin se ne të thjeshtëve na kërkoni portalin. Atyre që kanë miq nëpër bashki nëpër arsim s’ka nevojë portali.
Rama: Nuk futet në arsim pa portal askush dhe bashkitë s’kanë lidhje me punësimet në arsim!
Komentuesi 2: Boll mor burr, boll! Ti po i bën hallall, por ditë për ditë ky avaz . Mërziten njerëzit që nuk kanë bukë në shtëpi, dhe me beso që ka shumë. Shiko detajet tani, ju ka ardhur Koha. Kuptomë!
Rama: Për cilin avaz e ke fjalën i dashur Leon dhe sa për bukën, shqiptarëve buka nuk u ka munguar as në kohet më të zymta të historisë së tyre, kështu që ndjesë po komunikimi me njerëzit është detyrë e imja dhe nuk quhet avaz po quhet bashkëjetesë demokratike!
Komentuesi 3: Rritja e çmimeve ku do shkojmë ne pencionistët në varr ….shkoftë gjithë politika e hajdutave….
Rama: Çmimet nuk kanë lidhje me politikën po me tregun e lirë sepse nuk jemi në komunizëm kur çmimet i vendoste shteti dhe kur çmimet rriten kudo në të gjithë planetin, nuk ka se si të ulen në Shqipëri, jo se s’do politika po se ky është sistemi i ekonomisë së tregut!
