Kryeministrja e Finlandës, Sanna Marin, ndodhet sot në Tiranë për një vizitë zyrtare. Në konferencën e përbashkët me gazetarët dhe me kryeministrin Edi Rama, ky i fundit i shprehu mbështetjen e Shqipërisë për anëtarësimin në NATO.
Gjithashtu, në fjalën e tij, Rama nuk kurseu batutat duke thënë se pret që kryeministrja ta vizitojë sërish Shqipërinë por këtë herë me bashkëshortin e saj, të cilin e konsideroi si “bashkëvuajtës”.
“Në çdo aspekt, këto 2 vende janë një vlerë e shtuar e NATO. Në ditët e sotme dyert e NATO duhet të jenë të hapur për hyrjen e Finlandës dhe Suedisë. Ne ndihemi të privilegjuar që na jepet mundësia të bëjmë një gjë për Finlandën dhe nuk është pak. Kam dëshirën t’i uroj kryeministres çdo të mirë, kur erdhi më tha është koha shumë e bukur. Shpresoj që vizita dhe se e shkurtër do jetë e mjaftueshme të mendohet të vijë përsëri me vajzën e vogël dhe bashkëvuajtësin”, tha Rama.
Discussion about this post