Kryeministri Edi Rama ka sulmuar rëndë SPAK duke i dalë në mbrojtje gjyqtarit Ardian Dvorani në përplasjen e tij me presidentin Ilir Meta.
Rama tha se SPAK nuk heton “peshkaqenët”, që tha ia ka lënë porosi dhe BE, por sipas tij fusin në hetim Dvoranin vetëm pas denoncimit të Metës, ku shtoi se duhet të jetë ky i fundit subjekt hetimi.
“Në Kongres solla shembullin e arkës së peshkut. E dini ju që SPAK ka pasur shpejtësinë e rrufeshme dhe gatishmërinë për të vepruar minutë për minutë që të bllokojë Ardian Dvoranin. Njeriun e dekoruar nga DASH. A thua se ishte i koordinuar si sahat zviceran me atë zotërinë që do largohet nga zyra e presidentit të republikës. Çështjen e tij procesi e shfryu si flluckë sapuni. Sa gjykatës e prokurorë të nxjerrë nga Vettingu do ishin sot në burg? Se u bë kohë që peshkaqenët Vettingu i ka flakur jashtë, ku janë sot? Janë në punën e tyre, asnjë gjemb nuk i ka hyrë në këmbë. BE ia ka lënë me shkrim që të merret me ta. Kur të ulemi me ta, do na thonë na tregoni pak sa keni çuar në pranga? 0. Kampioni i kundër-korrupsionit i DASH është futur në hetim nga SPAK, për denoncimi të atij që jo unë po gjithë Shqipëria mezi pret ta shohë para SPAK, Ilir Metës. Po si qenka kjo kaq e përmbysur?”, tha Rama.
Discussion about this post