Kryeministri Edi Rama ka vijuar të komentojë vizitën e një dite më parë në Prishtinë, ku nuk u prit në takim nga homologu Albin Kurti.
Megjithëse ndodhej në Podgoricë, Rama tha se Albini ndodhet në hallin e tij dhe duhet respektuar.
Referuar takimit me Glanuk Konjufcën, kryeparlamentarin e Kosovës, Rama tha se “në takimin me të kalova mirë, nuk mund të ankohem për lëndim. Unë nga takimi dola pozitiv. Se përse ai tha gjëra të tjera jashtë dhe të tjera brenda duhet të pyesni Glaukun, ose Albinin që nuk ishte në takim”.
I pyetur për deklaratat e Glauk Konjufcës, kur tha se drafti i asociacionit i propozuar nga Rama i jep autonomi serbëve, Kryeministri tha se me Glaukun kemi pasur një bisedë fantastike miqësore, unë flisja dhe ai qeshte dhe nuk kemi folur asnjë fjalë për draftin e asociacionit.
“Glauk s’di fare se çfarë është drafti, por di se çfarë duhet të thotë para kamerave pasi është konsultuar me Albinin. Së kështu funksionon demokracia në qeverinë e Kosovës dhe unë e respektoj, është vendi më demokratik në Ballkan siç thotë Albini”, u shpreh Rama.
Në vijim ai shtoi se ka bërë çmos deri në minutën e fundit të takohet me kryeministrin e Kosovës, por shtoi se ai është në një tjetër botë në këtë moment.
“Albini nuk është në botën time dhe e respektoj. Unë thjesht mendoj që kjo bota ku jam unë, është më e madhe, janë të gjithë partnerët dhe Albini është shkëputur. Por respekt ,secili duhet respektuar në hallin ku është. Sa i përket takimit të Tiranës unë kam për detyrë ta ftoj dhe jo ta sjell. E përfytyroni ta marr unë mëzor Albinin në Tiranë se çfarë bëhet. Takim kryeministrash pa kryeministrin e Kosovës në Tiranë nuk ka, por nuk e përjashtoj që mund të mos vij”, tha Rama.
E në vijim, duke iu përgjigjur pyetjeve të gazetarëve, Rama tha “e njihni Oso Kukën ju në Mal të Zi, apo jo? Nuk mund të jetojmë me Oso Kukën kur jemi në kohën e inteligjencës artificiale”.
Discussion about this post