Kryeministri Edi Rama ka reaguar lidhur me protestën e thirrur nga ish-kryeministri Sali Berisha kundër vendimeve të kryedemokratit Lulzim Basha. Rama përmes një postimi në rrjete sociale është shprehur se budallenjtë e bëjnë jetën më të vështirë seç është.
“Jeta është e vështirë, por budallenjtë e vështirësojnë atë edhe më shumë. John Wayne”, shkruan Rama.
Kryeministri u akuzua nga Berisha se po i shërben Bashës duke e marrë atë në mbrojtje, kjo pasi forcat policore u shfaqën në selinë blu pas thirrjes së PD-së, ku shpreheshin se iu kërcënohej jeta. Protestuesit u shfaqën në godinën e PD-së, ku thyen dyer dhe dritarë për tu futur në seli. Berisha u shpreh se kjo është një protestë paqësore dhe dyert duhet të hapen për çdo demokrat.
Discussion about this post