Kryeministri Edi Rama ka paralajmëruar se situata me energjinë elektrike dhe naftën do të përkeqësohet, kjo nisur nga lufta e ashpër në Ukrainë për shkak të agresionit rus.
Sipas skenarit më të keq që paralajmëroi Rama, është se Shqipëria mund të vuaj furnizimin me naftë apo me energji, për shkak të sanksioneve ruse.
“Duhet të përgatitemi edhe për situata shkurtimesh dramatike të furnizimeve me energji apo me naftë. Edhe kjo mund të vijë edhe pse ky është skenari më dramatik. Sepse zëvendësimi i burimeve që janë burime që siguroheshin nga Rusia është jashtëzakonisht i komplikuar. Detyrimi për të qëndruar në front në mbështetje të Ukrainës është e pashmangshme. Dhe do bëjmë çmos për të mos shkojmë në sakrifica reale, por ka një qëllim, të mbrojmë jetën dhe shëndetin. Atë që është më e rëndësishmja të mbrojmë Shqipërinë nga përshkallëzimi i agresionit, si pjesë e vendeve që po bëjnë përpjekje. Sa na takon ne, do bëjmë çmos të mbrojmë njerëzit tanë. Nuk është një film, por një luftë reale siç e kemi parë edhe në Luftën e Dytë Botërore apo në Kosovë për përpjekjen për spastrim etnik. Lufta atje mund të përshkallëzojë edhe jashtë edhe brenda kufijve të NATO-s,” tha Rama.
Discussion about this post