Ditën e djeshme në Samitin e BE-së Rama e cilësoi qëndrimin Bullgarisë të turpshëm. Ai sot u kritikua nga Ministria e Jashtme e Bullgarisë, ndërsa këtë rast e kanë shfrytëzuar edhe demokratët.
Kryetar i Partisë Demokratike Dega Durrës, Ferdinand Xhaferaj ka komentuar mënyrën se si kryeministri Rama i është përgjigjur gazetarëve dhe homologëve bullgarë në lidhje me qëndrimin e Bullgarisë për anëtarësimin e Maqedonisë së Veriut në BE.
Sipas Xhaferaj gjuha e përdorur për t’iu drejtuar gazetarëve dhe homologëve Bullgarë vërteton se Rama dhe ekipi i tij “strategjik” jo vetëm nuk po e kuptojnë se cila duhet të jetë qasja e Shqipërisë karshi BE-së për të garantuar hapjen e negociatave, por edhe se është i bindur se gjuha e shëmtuar që përdorin kriminelet kur i drejtohen atij vetë për interesa të tyre, funksionon edhe në forume të rëndësishme diplomatike.
“Rrugaçëria e Ramës saboton aspiratat e një populli të tërë Për ndonjë që mund të ketë patur dyshime se “pushteti absolut korrupton tërësisht”, Rama dhe Rilindasit e tij na e vërtetojnë dita ditës se Lord Acton kishte vetëm të drejtë. Arroganca dhe papërgjegjshmëria nuk njihkan kufinj. Gjuha e përdorur për tiu drejtuar gazetarëve dhe homologëve Bullgarë vërteton se Rama dhe ekipi i tij “strategjik” jo vetëm nuk po e kuptojnë se cila duhet të jetë qasja e Shqipërisë karshi BE-së për të garantuar hapjen e negociatave, por edhe se është i bindur se gjuha e shëmtuar që përdorin kriminelet kur i drejtohen atij vetë për interesa të tyre, funksionon edhe në forume të rëndësishme diplomatike”, shkruan Xhaferraj.
Discussion about this post