Kryeministri i vendit tonë Edi Rama, përmes një postimi, ka shprehur ngushëllime për Greqinë, e cila po vuan nga fakti që ka shumë vatra zjarri dhe ka pasur edhe viktima.
Rama shprehet se është e trishtueshme të shikosh Greqinë që vuan vazhdimisht nga zjarret.
Ai shton se ‘populli grek dhe ata nën uniformë që luftojnë me flakët meritojnë solidaritet të plotë nga Shqipëria’.
Edi Rama po i qan hallin Greqisë, në një kohë që ai u injorua nga ana e qeverisë helene, duke mos u ftuar nga kryeministri grek Mitsotakis.
Ndërsa, po Rama i qan hallin grekëve, në një kohë që edhe Shqipëria e shqiparët vuajnë mbi kurriz vatrat e mëdha të zjarrit në vend.
Një vatër e madhe zjarri ra këtë pasdite në Laç, ndërsa me dhjetëra raste janë shënuar në mbarë vendin.
Ndryshimi mes vendeve është edhe më i madh në këtë pikë, sepse ndërsa në Greqi zjarrfikëset dhe punonjësit që merren me fikje zjarresh kanë pajisje, në Shqipëri punojnë me raste edhe me lopata e ka mungesë të theksuar infrastrukture të ndihmës.
Rama iu qan hallin të tjerëve, për të hequr vëmendjen nga zjarri që po përvëlon Shqipërinë, duke fokusuar vëmendjen disi më larg.
Taktikë tepër e njohur kjo dhe që përdoret në mënyrë prefekte nga kryeministri ynë. Kryeministrit Rama i kanë mbaruar hallet e veta e po merret me të botës./dionis xhafa/
Discussion about this post