Në konferencën që po mbanë sot me mediet, kryeministri Edi Rama ka prekur edhe planet për sistemin e drejtësisë. Rama e pranoi që çështja e gjyqtarëve dhe prokurorëve, të cilët mbesin në veting ka qenë problematike deri më tani, sa i përket vazhdimësisë së tyre në sistemin e drejtësisë. Sipas tij, tashmë nuk do të ketë më tolerime, por çdo gjyqtar e prokuror që nuk kalon vetingun do të pezullohet automatikisht nga puna.
“Kemi një temë tjetër që kemi hasur në problematikë. Ne mendojmë se gjyqtare dhe prokurorë që nuk kanë kaluar vettingun duhet të pezullohen në vend. Kemi pasur disa raste flagrante në kohë. Po ju jap një rast sot për ilustruim. Angazhohemi për të ndërtuar qendrën e fëmijëve, përcaktojmë vendin, bëjmë projektin , japim financim dhe çfarë ndodh, në kohën që fillojmë punën një gjykatëse ka bërë sigurim padie mbi këtë pronë mbi një subjekt privat. Tani, rasti është se gjykatësja e jep këtë vendim 1 javë para se të largohej nga vetingu, emri i së cilës nuk më kujtohet duhet të thirret nga SPAK sot, duhet të shkojë para gjyqit se kanë grabitur njerëzit”, tha ai.
Kujtojmë se procesi i vetingur rrezikon të mbetet në ngërç për shkak se KPK i mbaron afati në pranverë të vitit 2022 dhe mazhoranca kërkon ndërhyrje në Kushtetutë për zgjatjen e afatit. Por kjo gjë kërkon kohë dhe miratimin e opozitës.
Discussion about this post