Shqipëria do të përballet të shtunën me Bjellorusinë, në kuadër të nisjes së rrugëtimit në Nations League, sfidë e cila do të luhet ditën e shtunë në orën 20:45. Nga salla e konferencave të stadiumit “Air Albania”, ka folur për këtë duel, mesfushori Ylber Ramadani.
Çfarë prisni me Bjellorusië?
Nuk është ndeshje e lehtë. Duhet të jemi seriozë dhe të ndryshojmë mentalitetin nga dy ndeshjet e fundit miqësore. Të futemi që të fitojmë dhe të shikojmë përpara.
Sa ndryshon sjellja në fushë?
Po, që nga fillimi trajneri ka bërë të qartë se dëshiron të luajë me presion të lartë. Trajneri gjithmonë sheh dhe e përgatit lojën se si të surprizojmë.
E ndjeni veten për të qenë titullar?
Unë nuk e kam problem. Edhe kur kam qenë në formën më të mirë nuk kam luajtur. Luajta apo nuk luajta do t’i mbështes çunat për objektivin që kemi në skuadër.
Në fushë trajneri prefeon një numër 6 dhe dy 8-sh, çfarë pritet?
Çdokush ka dëshirën që të përfaqësojë shtetin e tij. Zgjedhjet i bën trajneri dhe unë jam 100 për qind me të. Luaj apo nuk luaj, nuk e kam problem. Këtu luajmë për Shqipërinë dhe jemi në Kombnëtare. Mjafton që ekipi të fitojë dhe të arrijmë objektivat si skuadër.
4 ndeshje radhazi, ekipi më i vështirë?
Për mendimin tim, futbolli ka ndryshuar. Nuk ka skuadër të lehtë, të gjithë vrapojnë dhe sulmojnë. Secila skuadër mund të surprizojë. Kemi objektivin tonë që të dalim të parët në grup.
Discussion about this post