Të shtëna me armë zjarri kanë tronditur sot qytetin e Vlorës. Burime zyrtare nga policia bëjnë me dije se në lagjen “Pavarësia”, para pallatit te tij, dyshohet se është plagosur në dorë, me armë zjarri i riu i identifikuar me emrin Diego Hanaj 36 vjeç, i cili ndodhet jashtë rrezikut për jetën në Spitalin e Vlorës.
Burime të tjera për gijotina.com bëjnë me dije se Hanaj është qëlluar me armë zjarri nga një makinë “Range Rover” në lëvizje drejt një supermarketi ku dyshohet se ndodhej i riu. Pasi është qëlluar, i riu ka ecur për disa metra në rrugë ndërsa kanë mbetur edhe njolla gjaku në vendngjarje për shkak të plagosjes.
Nuk dihen ende rrethanat e ngjarjes apo motivet, pritet të zbardhen detaje pas marrjes në pyetje të të plagosurit. Sakaq, shërbimet e Policisë po krehin zonën për të bëre të mundur kapjen e autorit. Ndërkohe grupi hetimor ndodhet në vendngjarje dhe po punon për sqarimin e rrethanave të ngjarjes.
Paraprakisht dyshohet se kemi të bëjmë më nje tjetër atentat, ndërsa po punohet për të shkuarën e shënjestrës.
Discussion about this post