Instituti Evropian i Statistikave ka publikuar një raport ku tregon se shqiptarët marrin të ardhura për frymë shumë herë më pak se vendet e tjera në rajon dhe evropë. Në lidhje më këtë çështje ka reaguar presidenti i vendit, ilir Meta. Përmes një postimi në Facebook , ai shprehet se është skandal fakti që qytetarët shqiptar janë ndër më të varfrit në Evropë, ndërsa çmimet dhe taksat rriten me ritme shumë më të shpejta.
“Të parët në rajon për nivelin e lartë të varfërisë, çmimeve, dhe borxhit publik. Të fundit për të ardhurat për frymë dhe konsum individual. Shqipëria renditet e para në rajon për nivelin e varfërisë, të çmimeve dhe borxhit publik dhe e fundit në Evropë për të ardhurat për frymë e konsum. Sipas të dhënave të EUROSTAT për vitin 2020, Shqipëria rezulton se të ardhurat për frymë i ka 30% të mesatares së Bashkimit Evropian, pas saj renditet Bosnje dhe Hercegovina me 33%, Maqedonia e Veriut me 38%, Serbia 43% dhe Mali i Zi me 45%. Ndërkohë niveli i çmimeve në Shqipëri, së bashku me Malin e Zi, është më i larti në rajon me 53.5%, Serbia 52.3%, Bosnjë-Hercegovina 51.9% dhe Maqedonia e Veriut me 46%”, shkruan Meta.
Ndërsa publikon shifrat e rënda të Eurostat, Meta shprehet se këto të dhëna përforcojnë deklaratën e tij që buxheti i vitit 2022. Edhe njëherë Meta shprehet se nuk e kalon buxhetin, pasi është antisocial.
“Në ligjin për “Buxhetin 2022” konstatova se Qeveria nuk ka marrë masat e duhura ekonomike dhe sociale për të përmirësuar të gjithë këto tregues negativë. Për këtë arsye vendosa të mos ta dekretoj me miratim “Buxhetin 2022”, që thellësisht është ANTISOCIAL”, shkruan ai, duke theksuar se qeveria duhet të mendojë për uljen e borxhit dhe reduktimin e koncesioneve.
Discussion about this post