Raportuesja për Shqipërinë: Po ndjekim ligjin për Zonat e Mbrojtura

Raportuesja për Shqipërinë në Parlamentin Europian, Isabela Santos, në një konferencë për mediat, ka deklaruar se po ndjekin nga afër se si do të zbatohet ligji për Zonat e Mbrojtura. Ligji i shumëkritikuar është miratuar së fundmi nga mazhoranca nëparlament dhe të dekretuar nga presidenti Bajram Begaj.

Nisma i hap rrugë ndërtimeve dhe betonizemeve në këto zona, edhe pse është kundërshtuar nga organizatat mjedisore dhe delegacioni i Bashkimit Europian.

Gjithashtu, Santos tha se po ndjekin me vëmendje edhe lirinë e medias, po ashtu edhe sa i përket pronësisë dhe financimit të mediave.

“Po ndjekim nga afër ligjin për Zonat e Mbrojtura. Për të parë sesi zbatimi i këtij ligji të ri do të bëhet. Vëmendja jonë është e përqendruar edhe tek liria e mediave. Situata duhet të përmirësohet kur bëhet fjalë për mjedisin për gazetarët si dhe për tranparencën e pronësisë dhe financimit të mediave. Integrimi i pakicave është po kaq i rëndësishme është një temë e rëndësishme. Kjo është një çështje e rëndësishme ku duhet të ndërtojmë një shoqëri solidar edhe të fortë”,  tha Santos.

Ajo foli dhe në lidhje me reformën zgjedhore. E pyetur nga gazetarët, Santos, u shpreh se palët politike janë ende në kohë për të gjetur një konsesus, që për zgjedhjet parlamentare të vitit 2025 të shkohet me një kod të ri zgjedhor.

Sipas saj, nëse kjo nuk realizohet, faji do të jetë i të gjithëve dhe jo vetëm i mazhorancës, apo vetëm i opozitës.

“Në vendin tim thuhet që duhen dy veta për tango, për dialogun duhen dy veta. Faji nuk është te njëra palë. Kur ka mosmarrëveshje  apo diçka që nuk ecën, faji është i dy palëve. Jemi ende në kohë, mesazhi është që partia në pushtet dhe opozita të gjejnë një konsensus minimal për të ecur përpara në kohë për zgjedhjet e 2025. Të gjithë e kuptojnë se cilat konkluzionet e gjykatës në këtë vend sa i takon proceseve zgjedhore. Nuk është momenti për të thënë e ka fajin njëri apo tjetri. Jemi ende në kohë për konsensus për të ecur para. Nëse nuk është e mundur të gjithë do të kenë faj për këtë”, tha Santos.