Rashica “merr me të mira” turqit: Jemi të ngjashëm me ju

Futbollisti kosovar, Milot Rashica flet si blerja më e re e Besiktasit. Sapo u zyrtarizua te skuadra tjetër e Stambollit, sulmuesi i Kosovës shprehu ambiciet për sezonin e ri.

“Shpresoj që të kemi një sezon të mirë. E ndoqa ndeshjen tonë të parë, filluam mirë. Shpresoj të vazhdojmë kështu deri në fund dhe ngremë trofenë e kampionatit”.

Rashica shpjegon se Beşiktashi e ka respektuar që në momentin e parë të negociatave se klubi e ka dashur shumë këtë transferim.

“Ishte gjëja më e rëndësishme për mua dhe doja të kthehesha në Turqi, ku jam i lumtur. Mua dhe familjes sime na pëlqeu ky vend dhe kaluam mirë këtu. Planet dhe projektet që më ofroi klubi ishin gjithashtu shumë të mira. E ndjeva që më donin, prandaj erdha këtu.

Kam luajtur në këtë stadium vitin e kaluar, atmosfera ishte shumë e mirë. Mund të them se tifozët në Turqi janë në tjetër nivel.”

Rashica theksoi se dëshiron të shënojë gola dhe të japë sa më shumë asistime me fanellën e Beshiktashit:

“Nuk ka shumë rëndësi në cilin pozicion luaj. Mundohem të jap kontributin më të mirë për ekipin tim. Nuk janë vetëm golat dhe asistimet, sigurisht, gjithçka që mund të bëj kur të dal në fushë”.

27-vjeçari, i cili do të veshë fanellën me numrin 11, deklaroi se mezi pret të shëhë tifozët:

“Do të bëj maksimumin për të dhënë kontributin tim për ekipin dhe për t’i bërë tifozët tanë të lumtur. Shpresoj që të kemi një sezon të mirë.”

Shqiponja, e cila është simboli i Beshiktashit, është simbol edhe për popullin e Shqipërisë dhe Kosovës, shpjegoi më tej Rashica:

“Kur bëjmë shenjë shqiponje, ata që na shohin e dinë se kush jemi. Kjo vlen edhe për ata që e shohin flamurin tonë. Kam festuar golat e mi duke bërë shqiponjën. Është një rast shumë i veçantë për të gjithë ne, ka shumë kuptim.”

Rashica ka zbuluar se xhaxhai i tij, i cili luan në ligat e ulëta në Kosovë, e ka ndihmuar të bëhet futbollist, duke shtuar se është regjistruar në moshën 6-7 vjeçare në një skuadër futbolli.

Në fund, lojtari kosovar nënvizoi se Turqia dhe Kosova janë vende të ngjashme:

“Më pëlqen koha këtu. Edhe ne e kemi traditë byrekun dhe çajin. Ka shumë aspekte të ngjashme midis dy vendeve.”/SSA