Sulmet raciste ndaj futbollistit brazilian të Real Madrid, Vincius Junior, kanë bërë që të rihapet përsëri, dhe shumë dukshëm madje, një plagë e futbollit në Spanjë.
Luis Rubiales, presidenti i RFEF , ka dalë para mediave për të trajtuar ngjarjet e ndodhura dje në Mestalla. Ai u shpreh shkoqur për rastin Vinicius:
“Ne kemi një problem në vendin tonë. Sjellja dhe racizmi. Përderisa ka një të padëshiruar ose një grup që fyen për shkak të ngjyrës së lëkurës, ne kemi një problem serioz”.
“Vinicius ka më shumë të drejtë sesa mendojmë ne”
Presidenti i Federatës Mbretërore të Futbollit Spanjoll e vuri theksin te fakti se, pavarësisht asaj që duket, Vincius, në të vërtetë, ka më shumë të drejtë nga çfarë mendojnë shumica e njerëzve.
“Ky është një problem që dëmton imazhin e futbollit. Vinicius Junior dhe çdo lojtar që pëson një fyerje për çdo akt të dhunshëm ka mbështetjen time dhe atë të RFEF.
Ne jemi këtu për të ndihmuar dhe përmirësuar. Të gjithë mund të bëjmë më shumë. Qëllimi është që futbollistët dhe sportistët e tjerë të mund të thonë një ditë se nuk kanë marrë më ofendime”.
Gjatë fjalës së tij, Rubiales lançoi dhe një kunj ndaj presidentit të La Ligas, Javier Tebas:
“I kërkoj Esnaldos (presidentit të Konfederatës Braziliane të Futbollit) të injorojë fjalët e Javier Tebas, i cili është angazhuar në rrjetet sociale me një lojtar që disa orë më parë kishte marrë fyerje raciste.
Unë do të doja të takohesha me Esnaldon, për t’i treguar atij se si ne, nga RFEF, luftojmë aktet raciste në futboll, duke e bërë gjithashtu atë të shohë admirimin dhe respektin e madh që kemi nga Spanja për futbollin brazilian”.
Discussion about this post