Sir Jim Ratcliffe e ka bërë të qartë se ai nuk është i gatshëm të paguajë një “çmim budalla dhe pa logjikë”, drejt familjes Glazer, për t’u bërë pronari i ri i Manchester United.
Shefi i INEOS është ndër pretendentët kryesorë për të blerë klubin nga familja Glazer. Klubi u nxor në shitje nëntorin e kaluar pasi pronarët aktualë deklaruan se do të “vlerësonin të gjitha opsionet”.
Ratcliffe po lufton me biznesmenin me bazë në Katar, Sheikh Jassim. Të dyja palët u ftuan në Old Trafford për takime të veçanta javën e kaluar.
Sheikh Jassim nuk ishte i pranishëm të enjten, ndërsa Ratcliffe vendosi të tregojë fytyrën e tij një ditë më vonë.
Që atëherë është raportuar se të dyja palët do të bëjnë ofertën e tyre të dytë për të blerë Man Utd më vonë këtë javë.
Familja Glazer ka pohuar vazhdimisht se çmimi i tyre i kërkuar për Man Utd është 6 miliardë funte. Shpresohet që një marrje mund të finalizohet para verës nëse ata marrin një ofertë të kënaqshme.
Sheikh Jassim mund të jetë kryesuesi pasi Ratcliffe ka pranuar në një intervistë të re se nuk dëshiron të “pendohet” që ka paguar një “çmim të palogjikshëm” për United.
“Si e vendosni çmimin e një pikture? Si e vendosni çmimin e një shtëpie? Nuk ka të bëjë me koston e ndërtimit apo sa kushton për të pikturuar,” tha Ratcliffe për The Wall Street Journal (përmes The Telegraph).
“Ajo që ju nuk dëshironi të bëni është të paguani çmime të palogjikshme për gjërat, sepse më pas pendoheni.”
Ai shtoi: “Interesi ynë në atë klub do të ishte thjesht të fitojmë tituj”.
Discussion about this post