Kryetari i PD-së, Sali Berisha ka komentuar sot deklaratën e bërë nga presidenti Zelensky, se Ukraina nuk e njihte pavarësinë e Kosovës, pasi ajo ishte e njëanshme.
Berisha shprehu keqardhjen për qëndrimin e kreut të shtetit ukrainas dhe e cilësoi deklaratën si “të papranueshme”.
“Sot kemi një deklaratë në të cilën shprehim keqardhje për deklaratën e presidentit Zelensky në Beograd për pavarësinë e Kosovës, që ai u shpreh se është e njëanshme. Kjo deklaratë e tij vjen në kundërshtim të hapur me vendimet e NATO-s. Kjo vjen në kundërshtim të hapur me të drejtën dhe ligjin e NATO-s. Serbia gjer para pak kohësh ishte Kali i Trojës i Kremlinit në Ballkan. Është Rusia e vogël. PD e deklaron këtë deklaratë të papranueshme. Mendoj se shqiptarët dhe Shqipëria duhet të ngelen të palëkundur në mbështetje të Ukrainës ndaj agresionit në Rusi. Nëse presidenti bëri një deklaratë të tillë, nuk mund të ndryshojë qëndrimin ndaj agresionit barbar rus ndaj popullit ukrainas.”, tha ai.
gijotina.com/
Discussion about this post