Olsa Muhameti, autorja e programit “Për’puthen”, ka reaguar në rrjetin social Instagram, për situatën që ndodhi ditën e shtunë, me datë 6 nëntor, ku Alvisa dhe Hyseni thanë disa deklarata shumë të forta për njëri-tjetrin.
Alvisa e akuzoi Hysenin për dhunë dhe për shantazhim, ndërkohë ky i fundit e akuzoi Alvisën për tradhti me Bashkimin dhe për lojë.
Olsa ka reaguar në mbështetje të Alvisës, e cila gjatë puntatës së sotme dërgoi një mesazh falënderues ndaj produksionit. Autorja e programit u shpreh se nga e gjithë kjo situatë që u krijua është shumë e lumtur që u arrit demaskimi i shantaxhuesit, duke i dhënë kështu zemër të gjithë të bëjnë publike rastet e tyre, pasi sipas saj është sensibilizimi më i mirë.
“Nga e gjithë kjo situatë jam e lumtur që arritëm të demaskojmë shantazhuesin duke i dhënë zemër të gjithëve ta bëjnë publike dhe jo ta fshehin. Publikimi i këtyre situatave është sensibilizimi më i mirë. Jam e lumtur që ti nuk u dorëzove duke u larguar nga programi (ëndrra jote). E mbi të gjitha sot si një vajzë e lirë nga shantazhet (se nuk i pinë më ujë) ke të drejtë të pëlqesh dhe të duash kë do ti pa të të shantazhuar dhe përndjekur njeri”- shkroi Olsa.
Discussion about this post