Vëmendja e gjithë botës është tek gjesti i Will Smith në “Oscars 2022”, ku ai goditi mikun e tij Chris Rock për shkak të një batute të papërshtatshme për flokët e gruas së tij.
Jada Pinkett vuan nga alopecia, një sëmundje që shkakton rënien e flokëve dhe qimeve të trupit. Ndaj, një batutë e tepruar me modelin e flokëve të Jada-s e bëri Will-in të ngrihet nga vendi dhe ti japë Chris Rock-ut një shpullë të mirë.
Ky moment po komentohet prej ditësh në rrjet, ndërsa publiku është ndarë në dy pjesë; ata që e mbështesin aktorin për gjestin dhe pjesa tjetër që e “dënon”.
Për herë të parë pas ngjarjes ka reaguar edhe vajza e çiftit, Willow Smith.
Në një postim në InstaStory, ajo ka shpërndarë një shprehje e cila shkruan:
“E dini se kush po kalon momente të vështira tani? Të gjithë. Thjesht tregohuni të sjellshëm.”
Duket se me këtë postim, ajo ka dashur t’i dalë në mbrojtje të atit.
Rikujtojmë se Will i kërkoi falje Rock -ut përmes Instagram-it të hënën, duke thënë:
“Shakatë janë pjesë e punës që unë bëj, por një shaka për gjendjen mjekësore të Jada-s ishte e tepërt për mua dhe reagova emocionalisht.
Dëshiroj të të kërkoj falje publike, Chris. Isha jashtë linjës dhe gabova. Jam në siklet dhe veprimet e mia nuk ishin tregues i mashkullit që dua të jem. Nuk ka vend për dhunë në një botë dashurie dhe mirësie.”
Discussion about this post