Reali i Madridit do të përballet në transfertë me Real Betisin, në kuadër të javës së 24 të Kampionatit Spanjoll të Futbollit.
Trajneri i Realit, italiani Carlo Ancelotti, në konferencën për shtyp, një ditë para duelit, e pranon se ndeshja me “Los Verdiblancos” nuk do të jetë e lehtë, por ai thotë se të besuarit e tij, do të japin gjithçka për të fituar në Benito Vilamarin.
“Unë e shoh ekipin në formë, lojtarët po rikuperojnë formën e tyre optimale. Kjo e diel do të jetë e vështirë. Betisi është një ekip i madh, ata luajnë futboll tërheqës. Nuk ka asnjë justifikim për gabime. Ne do të japim gjithçka për fitore”, u shpreh tekniku 6 herë kampion i Europës.
Madrilenët aktualisht janë në vendin e dytë me 52 pikë, shtatë me pak së kryesuesi i kampionatit, Barcelona.
Ndeshja e së dielës, Real Betis-Real Madrid pritet të fillojë në orën 21:00.
Discussion about this post