Skuadra e Real Madrid ka kaluar pa shumë sforco Granadan në fushën e këtyre të fundit. Madrilenët fituan me shifrat e thella 4-1 në një sfidë e cila nuk pati surpriza pasi vendasit e mbyllën ndeshjen me 9 futbollistë duke u ndëshkuar dy herë me kartonin e kuq. Asensio kaloi në avantazh madrilenët në minutën e 19 teksa 6 minuta më pas Fernandez dyfishoi shifrat përpara se Suarez të rihapte ndeshjen.
Megjithatë me nisjen e fraksionit të dytë të lojës Vinicius shënoi golin e tretë teksa fatet e ndeshjes u vendosën në minutën e 76 me mbrojtësin Mendi. Me këtë fitore Real Madrid ngjitet në krye të tabelës së klasifikimit në kuotën e 30 pikëve të grumbulluara në 13 ndeshjet e para të sezonit.
Discussion about this post