Luka Modriç do të lihet jashtë ndeshjes së të dielës kundër Levantes. Kroati pësoi një dëmtim gjatë stërvitjes ditën e sotme, duke e penguar që të mos të jetë në dispozicion të trajnerit Ancelotti për takimin që do të luhet të dielën në orën 22:00 në Ciutat de Valencia.
Modriç ndjeu shqetësim kur po stërvitej në palestër me Kroos, Ceballos dhe Mariano. Pas seancës, u zbulua dëmtimi i tij, i cili do ta bëjë kroatin të qëndrojë jashtë fushës deri në një vendim të dytë nga ana e mjekëve.
Nesër do të kryhen më shumë teste për të përcaktuar shkallën e saktë të dëmtimit, në mënyrë që të vërtetohet se për se sa kohë do i duhet Modric që të rikuperohet.
Pas largimit të Odegaard te Arsenal dhe problemeve të Kroos, ky incident i lë pak opsione Ancelottit për mesfushën. Dy nga tre vendet do të plotësohen nga Casemiro dhe Fede Valverde, ndërsa për të tretin opsioni më i mirë është Isco Alarco, pa harruar Asensio.
Lëndimi i Modriç vë në rrezik pjesëmarrjen e tij në ndeshjen e 28 gushtit kundër Betisit në Villamarin, si dhe përfshirjen e tij në Kombëtaren kroate në fillim të shtatorit./Gijotina.com
