Reali i Madridit po zhvillon fazën përgatitore, në SHBA, ku do të luajë dhe takimin e fundit, në këtë shtet, përballë Juventusit, përpara kthimit në atdhe, për fillimin e kampionatit.
Takimi mes spanjollëve dhe “Zonjës së Vjetër” do të luhet në stadiumin e qytetit të Orlandos, në Florida, me ndeshjen që pritet të fillojë, në orët e para të së enjtes, saktësisht, në 01:30, me orën e Tiranës.
“Los Blancos” duan të hedhin pas krahëve, ndeshjen ndaj Barcelonës, negative vetëm për rezultatin, duke parë që luajtën shumë më mirë se kundërshtari, i cili, në atë takim, pati vetëm fatin nga ana e vet.
Përsa i përket zgjedhjeve taktike, Carlo Ancelotti, pritet të zbresë në fushë ndaj ish-skuadrës së tij, me lojtarët më të mirë, siç ka bërë dhe në takimet e mëparshme, përballë Milan, Manchester United si dhe Barcelonës.
Rreshtimi taktik me shumë mundësi do të jetë ai i provuar në të gjitha sfidat e kësaj vere, 4-1-2-1-2.
Në portë, do debutojë në këtë turne, Courtois. Mbrojtja do t’i besohet katërshes Carvajal, Rudiger, Militao dhe Alaba.
Në mesfushë do të angazhohen veteranët Toni Kroos e Luka Modric, të ndihmuar nga freskia e Valverde dhe Brahim Diaz.
Sulmi, nga minuta e parë, do të përbëhet, sipas raportimeve, nga dyshja braziliane, Vinicius e Rodrygo.
Në këtë takim, duhej të debutante me Realin e Madridit, edhe blerja e fundit, Arda Guler, megjithatë, dëmtimet e kohëve të fundit, kanë bërë që ai, jo vetëm të lihet jashtë kësaj sfide, por të çrregjistrohet nga lista e lojatërve që do të angazhohen në La Liga.
Ndërkohë, Juventusi i trajnerit livornez, Massimiliano Allegri vjen në këtë duel, pas fitores ndaj Milanit, me penallti. Bardhezinjtë nuk janë impenjuar shumë deri tani, duke parë që njëra nga supersfidat që kishin në program, ajo ndaj Barcelonës, u anulua për problemet shëndetësore që prekën skuadrën e Xavit.
Rekordmenët italianë, të cilët këtë sezon, nuk do të kenë impenjime në Europë, për shkak të përjashtimit nga Conference League, me vendim të UEFA-s, nuk do kenë të disponueshëm në sfidën ndaj madrilenëve, futbollistët Adrien Rabiot, Nicolo Faggioli dhe Leonardo Bonucci, të cilët nuk janë grumbulluar në turneun parasezonal.
Përsa i përket rreshtimit, Allegri pritet që të mos heqë dorë nga zakonet e tij, duke e rreshtuar ekipin me formacionin 3-5-2.
Szczesny pritet që të startojë, nga minuta e parë, në portë, i ndihmuar në mbrojtje nga treshja Danilo, Bremmer, Gatti.
Në mesfushë italianët do e nisin, nga minuta e parë, me Miretti, Locatelli, McKennie, Weah dhe Kostic.
Në sulm, Max Allegri do të startojë me dyshen italiane, të formuar nga Moise Kean e Federico Chiesa./m.b /gijotina.com
Discussion about this post