Lorenzo Pellegrini është futbollisti kryesor i Romës këtë edicion, ku mesfushori është nën urdhrat e Jose Mourinhos dhe është lider i Romës.
25-vjeçari ka shënuar gjashtë gola dhe ka bërë dy asistime në tetë ndeshjet e para, duke qenë njëri nga mesfushorët më të vlerësuar në Evropë.
E falë paraqitjeve fantastike këtë edicion, mësohet se Real Madrid është duke monitoruar situatën e italianit.
Italiani është futur në vitin e fundit të kontratës me Romën dhe Los Blancos po shpresojnë se lojtari nuk do ta vazhdoj bashkëpunimin.
Jose Mourinho ka deklaruar disa herë se Pellegrini ka gjetur gjuhën e përbashkët me drejtuesit e Romës për kontratën e re dhe mungon vetëm zyrtarizimi.
Por lajmet e fundit që vijnë nga Spanja raportojnë se Carlo Ancelotti e pëlqen shumë bashkëkombësin e tij dhe dëshiron ta transferojë në Santiago Bernabeu.
Inter dhe Juventus gjithashtu kanë shprehur interesim për Pellegrinin, por duket shumë i vështirë largimi i kapitenit nga Roma.
